Ons was toe weer
by Dr van Wyk vir die opvolg behandeling en moet weer binne die volgende 3 weke
gaan vir die stamsel toediening. Vrydag
na die behandeling het ons direk terug gery huis toe en dit was nie een keer nodig
om te stop langs die pad met Henru en hom eers te strek nie. Vir die eerste keer in jare kon ons ry sonder
dat hy een keer gekerm het. Ek het wel
sy bene gestrek soos ons gery het - iets wat ek nooit kon doen nie. In die verlede, soos hy sit, het hy spasmas
in sy bene gekry en die enigste manier
om verligting te kon kry, was om te stop en hom te strek. Nou kon ek die voete verskuif van posisie en
die bene meer reguit maak. Daar is 'n
daadwerklike verskil en dan die beste is die oë wat reageer. Die pupille was altyd heeltemal vergroot en
het nie gereageer op lig nie, alhoewel hy sy oë toegemaak het as daar skerp lig
skyn soos son. Nou reageer die pupille
en word kleiner en groter soos met lig en donker.
